Оё саҳюнистҳо умеде ба оянда доранд?

Порс-Тудей. Рӯзномаи ибрии “Маорив” натоиҷи як назарсанҷӣ дар бораи умед ба оянда аз нигоҳи саҳюнистҳоро мунташир кард.

Рӯзномаи ибрии “Маорив” бар асоси як назарсанҷӣ, ки натоиҷи он рӯзи якшанбе мунташир шуд, эълом кард, ки 66 дарсади саҳюнистҳо умеди худро ба ояндаи Исроил аз даст додаанд.

Ба гузориши Порс-Тудей, тибқи ин назарсанҷӣ 73 дарсади саҳюнистҳо муътақиданд, ки кабинаи Натанёҳу бояд барои беҳбуди авзоъ ба ҷанги Ғазза поён диҳад ва ҳамаи асиронро бозгардонад.

Назарсанҷии “Маорив” ҳамчунин нишон медиҳад, ки 79 дарсади саҳюнистҳо барои амнияти ояндаи Исроил эъзоми ҳаридиҳо ба хизмати сарбозиро зарурӣ медонанд.

Тибқи ин назарсанҷӣ 39 дарсади саҳюнистҳо низ муътақиданд, ки кайфияти зиндагӣ дар Исроил дар 20 соли оянда бадтар ё бисёр бадтар аз имрӯз хоҳад буд.