Лориҷонӣ: Эрон дар канори миллати Лубнон аст, вале дастур намедиҳад

Порс Тудей- Дабири Шӯрои олии амнияти миллии Ҷумҳурии Исломии Эрон шоми якшанбе гуфт: миллати Лубнон барои худ тасмим мегирад ва мо дахолате дар умури дохилии ин кишвар намекунем, вале аз он ҷиҳат, ки ҳамеша канорашон будем имрӯз ҳам канорашон ҳастем. 

Алӣ Лориҷонӣ, дарбораи сафари ахираш ба Бейрут, ки ҳафтаи гузашта анҷом шуд, гуфт: имрӯз Лубнон муноқишоте дорад ва дунболи роҳи ҳалҳое ҳастанд, баҳси мо бо Лубнон ин аст, ки дар ҳама шароит ҳамроҳатон ҳастем. Албатта тасмимгир миллати Лубнон аст ва мо дахолате дар умури дохилии ин кишвар намекунем, вале аз он ҷиҳат, ки ҳамеша канорашон будем имрӯз ҳам канорашон ҳастем. 

Дабири Шӯрои олии амнияти миллии Эрон бо баёни ин ки кишварҳои бузург барои кишварҳо зарбулаҷал мегузоранд, гуфт: мо инро намеписандем ва ин забони гуфтугӯ бо як миллати бо тамаддун нест. Ӯ изҳор дошт: равиши Ҷумҳурии Исломӣ бо кишварҳо ин аст, ки бояд сардорӣ ва соҳибихтиёрии худашонро дошта бошанд ва агар кишварҳои минтақа (Ғарби Осиё) аз Эрон кӯмак бихоҳанд, мо кӯмак ва ҳамроҳӣ мекунем, албатта агар тавонем. Аз ин ҷиҳат, чи дар Ироқ ва чи дар кишварҳои дигар, сухани Ҷумҳурии Исломӣ ин аст, ки вазифа дорем дар канори бародаронамон бошем, аммо ба онҳо дастур намедиҳем.