Ҳимоят беқайду шарти Амрико омили убури Исроил аз марзҳои ҳуқуқи байналмилал

“Порс-Тудей”. Як нависанда ва пажӯҳишгари араб бо таъкид бар нақши меҳварии ҳимоятҳои мутлақи Амрико аз режими саҳюнистӣ гуфт, ки ин пуштибонии мустамар Исроилро ба режиме қонунгурез ва ноқизи ошкори қавоиди ҳуқуқи байналмилал табдил кардаву заминаи иртикоби густардаи ҷиноёт дар навори Ғаззаро фароҳам овардааст.

Валид Муҳаммадалӣ, нависанда ва пажӯҳишгари араб дар гуфтугӯ бо шабакаи телевизионии “Алмасира”, бо ишора ба афзоиши норизоятии ниҳодҳои вобаста ба Созмони Милали Муттаҳид аз амалкарди режими саҳюнистӣ гуфт: Он чи имрӯз муҷиби хашму истисоли ниҳодҳои байналмилалӣ шудааст, на танҳо ҷиноёти майдонии Исроил, балки пӯшиши сиёсиву ҳуқуқии Амрико аз ин иқдомот аст. Ҳимояте ки амалан ин режимро фаротар аз ҳар гуна посухгуӣ қарор додааст.

Ин пажӯҳишгари араб бо ишора ба паёмадҳои фароминтақаии ҷанги Ғазза афзуд, таҳаввулоти ин минтақа ба фишоре сангин бар тамоми парвандаҳои байналмилалӣ табдил шудааст ва ин хатар вуҷуд дорад, ки бетаваҷҷуҳӣ ба қавонини байналмилалӣ дар Ғазза, ба улгӯе хатарнок барои мунозиоти оянда бадал шавад. Валид Муҳаммадалӣ таъкид кард, ки мавозеи Доналд Трамп, раиси ҷумҳурии Амрико ба таври ошкор дар таоруз бо усули ҳуқуқи байналмилал будаву амалан ба ташвиқи сиёсати худкомагии Исроил анҷомидааст.

Нависандаву пажӯҳишгари араб афзуд: Сиёсати ҷории режими саҳюнистӣ бар эъмоли фишори ҳаддиаксарӣ бар сокинони ғазза ва коҳиши ҳамзамони фишорҳои байналмилалӣ, бидуни эътои ҳеҷ ҳақ ё имтиёзе ба фаластиниён устувор аст, рӯйкарде ки бо ҳамкории бархе бозигарони минтақаӣ ва байналмилалӣ дунбол мешавад.

Валид Муҳаммадалӣ афзуд, режими ишғолгари Исроил аз ҳадаф қарор додани ниҳодҳои байналмилалӣ, аз ҷумла Ожонси имдоду корёбии СММ барои оворагони фаластинӣ низ ибое надорад то нақши ин созмонҳоро дар сарзаминҳои ишғолӣ тазъиф кунад.

Ин пажӯҳишгари араб таъкид кард, идомаи ҷиноёти режими саҳюнистӣ, созмонҳои байналмилалиро ногузир ба иттихози мавозеи ошкортар кардааст. Ба вижа пас аз онки Девони финоии байналмилалӣ воқкаҳои Ғаззаро мисдоқи наслкушӣ дониставу мақомҳои аршади режими саҳюнистиро барои посухгӯӣ фаро хондааст. Раванде ки рӯёрӯии ҷаддитари ҷомеаи ҷаҳонӣ бо ин режимро иҷтинобнопазир мекунад.