Афзоиши теъдоди қурбониён ва маҷрӯҳони зилзила дар минтақаи Курдистони Ироқ
Раиси идораи беҳдошти минтақаи Курдистони Ироқ эълом кард, теъдоди қурбониёни зилзилаи шаби гузашта дар ин минтақа ба 7 кушта ва беш аз 300 захмӣ расидааст.
Рейкут Ҳама Рашид афзуд: Теъдоди куштаҳои заминларза ба ҳафт нафар аз ҷумла чаҳор нафар дар шаҳристони Дарбандихон, ду нафар дар Кармиён ва як нафар дар Сулаймония расидааст .
Раиси идораи беҳдошти минтақаи Курдистони Ироқ идома дод: 321 нафар барои дармон ба бемористон мунтақил шуданд, ки 120 нафар аз онон дучори ҷароҳати шадид ва 201 нафари дигар ба таври сатҳӣ осеб дида буданд .
Зилзилае ба бузургии беш аз ҳафт рихтер якшанбе шаб бахшҳои васее аз кишвари Ироқ ва манотиқи ғарби ҷумҳурии исломии Эронро ларзонд .
Марокизи ларзанигории Эрону Амрико, маркази заминларзаи дишабро манотиқи марзии байни Ироқу Эрон ва наздики ду устони Сулаймонияи Ироқ ва Кирмоншоҳи Эрон эълом кардаанд .