Ҳамлаи террористӣ ба як калисо дар Қоҳира
Декабр 29, 2017 19:19 Asia/Dushanbe
Дар ҳамлаи мусаллаҳона ва тирандозии рӯзи ҷумъа ба калисои “Мармина” дар Ҳелван, ҷануби Қоҳира, пойтахти Миср 9 нафар кушта ва 10 нафар захмӣ шуд.
Ба гузориши хабаргузории “Садо ва симо”-и Эрон, панҷ террорист дар ҳамла ба калисои “Мармина” ширкат доштанд, ки нерӯҳои амниятӣ се тан аз террористҳоро куштанд ва як нафарро дастгир карданд. Нерӯҳои амниятӣ ҳамчунин ду бомби дастсозро дар атрофи калисо кашфу хунсо карданд.
24-уми ноябр низ дар ҳамлаи аносири мусаллаҳ ба масҷиди «Арравза» дар Синои Миср, ки махфигоҳи тундравҳо, бавижа гурӯҳҳои вобаста ба ДИИШ аст, 305 тан кушта ва 128 нафар маҷрӯҳ шуд.