Pars Today

Вазири умури хориҷаи Туркия Мавлуд Човуш Уғлу дар паёми Твиттерӣ бар зарурати густариши равобити бозаргонии кишвараш бо Тоҷикистон таъкид кард.

 Ба гузориши радиои тоҷикии Садои Хуросон ба нақл аз сомонаи Тоҷ Вик, Мавлуд Човуш Уғлу пас аз бозгашт аз Душанбе дар пайи ширкат дар нуҳумин нишасти вазирони умури хориҷаи кишварҳои узви ибтикори " Қалби Осиё" дар бораи Афғонистон дар паёми Твиттерӣ навиштааст, ки бозаргонони Туркия дар рушди муносиботи тиҷорӣ бо Тоҷикистон саҳми арзишманде бар ӯҳда доранд. 

 Вай изофа кардааст, ки Туркия дар даврони густариши вируси корона барои маҳори ин бемории кумакҳои зиёде ба Тоҷикистон расондааст.

 Ҳамчунин ба гуфтаи вазири хориҷаи Туркия, ин кишвар то ба ҳол дар Тоҷикистон 52 тарҳи мухталифро ба арзиши беш аз 660 миллион доллар иҷроӣ карда ва Анкара панҷумин шарики муҳими тиҷории Душанбе аст. 

Аз сўи дигар бар асоси гузориши хадамоти давлатии омори Тоҷикистон дар соли 2020 арзиши тиҷорати хориҷии ин кишвар бо Туркия ба 323 миллион доллар расидааст, ки 203 миллион доллари он саҳми Душанбе аст. 

120 миллион доллар низ мизони воридоти Тоҷикистон аз Туркия дар соли 2020 будааст. 

Бо ин ҳол ба далели густариши вируси корона дар соли 2020 мизони тиҷорати Тоҷикистону Туркия дар муқоиса бо соли қабл 15 дарсад коҳиш ёфтааст. 

Бештар бихонед:

• Дидори вазири хориҷаи Туркия бо раиси парлумони Тоҷикистон

• Муқаррароти ҷадиди вуруди атбои Тоҷикистон ба Туркия

• Тоҷикистон 5 дармонгоҳи тиббии сайёр аз Туркия ворид мекунад