Ҳамлаи ДИИШ ба пойгоҳи артиши Ироқ дар вилояти Аланбор
Июл 23, 2021 17:22 Asia/Dushanbe
Манобеи расонаӣ аз ҳамлаи террористҳои ДИИШ ба пойгоҳи артиши Ироқ дар вилояти Аланбор ва куштаву захмӣ шудани 9 тан хабар доданд.
Террористҳои ДИИШ ба пойгоҳи “Бадр -6” артиши Ироқ дар ғарби ноҳияи Аррутбаи вилояти Аланбор, дар ғарби ин кишвар ҳамла карданд.
Бар асоси ин гузориш, дар пайи ин ҳамлаи аносури ДИИШ се низомии ироқӣ кушта ва 6 нафари дигар захмӣ шуданд.
Мудирияти итилоърасонии Басиҷи мардумии Ироқ (Ҳашдушшаъби) низ эълом кард, яке аз аносури ДИИШ дар шаҳри Мавсил, дар шимоли ин кишвар дастгир шудааст.
Бо вуҷуди шикасти ДИИШ дар Ироқ, ҳанӯз шуморе аз аъзои ин гурӯҳи террористӣ дар манотиқи мухталифи ин кишвар ҳузур доранд ва ба сурати пароканда ҳамалоти террористӣ анҷом медиҳанд.
Бештар бихонед:
- Ҳамлаи ДИИШ ба дакалҳои барқ дар шимоли Салоҳуддини Ироқ
- Қассоби ДИИШ ба дасти Ҳашдушшаъби ба ҳалокат расид