Таҳлил: Кабинаи эътилофии Беннет - Лапид дар марзи фурӯпошии зудҳангом

Феҳристи муштараки арабӣ ба раёсати Мансур Аббос, намояндаи арабӣ ва узви Эътилофи давлатии шурӯте барои сарфи назар аз таълиқи узвият пеши рӯи Беннет гузоштааст.

Ҳанӯз умри кабинаи чархишии Нафтали Беннет - Яир  Лапид ба як сол нарасидааст. Кабинаи чархишӣ ва шиканандаи Беннет июни 2021 аз ҳашт ҳизби ноҳамгун - миёна, чап, рост, араб ва яҳудӣ- пас аз чаҳор интихоботи бенатиҷа, ташкил шуду Бинёмин Натаняҳу пас аз 12 сол аз нахуствазирии Исроил канор рафт.

Натаняҳу бо канор рафтан аз нахуствазирӣ, раҳбарии мухолифони кабинаи эътилофиро бар ӯҳда гирифт ва бо огоҳӣ аз вазъи шиканандаи ин кабина, сарнагӯнии онро дар дастури кор қарор дод.

Истеъфои Idit Silman аз эътилофи кабина дар рӯзи 6 апрел борақаҳои умедро барои мухолифон ҷиҳати сарнагӯнии кабинаи эътилофӣ зинда кард. Кабинаи Беннет - Лапид танҳо бо як раъйи бештар, яъне 61 раъй дар Knesset ташкил шуда буд ва истеъфои Silman сабаб шуд, кабина ҳимояти аксарияти порлумонро аз даст дод ва курсиҳо ба сӯрати мусовии 60 ба 60 миёни эътилофи ҳокиму мухолифон тақсим шуд.

• Таҳлил: Онсӯи талошҳо барои фурӯпошии давлати эътилофии Исроил

Истеъфои Idit Silman бо истиқболи Натаняҳу мувоҷеҳ шуд. Дар ҳамин росто низ Натаняҳу ба ҳамроҳи ҳаводорони худ таҷаммуъи эътирозиро зиди кабинаи Беннет баргузор ва пешбинӣ кард, ки кабина ба зӯдӣ суқӯт хоҳад кард. Ду ҳафтаи пас аз истеъфои Idit Silman, феҳристи муштараки арабӣ, ки яке аз аъзои эътилофи ҳоким аст, замзамаи ҷудоӣ аз кабина сар дод.

Гуфта мешавад, феҳристи муштараки арабӣ барои боқимондан дар эътилофи ҳоким чанд шарт, аз ҷумла ҳифзи вазъи кунӯнӣ ба хусӯс дар Масҷидулақсо ва мамониати яҳудиён аз баргузории намоз дар саҳнҳои масҷид, тасреъ дар ба расмият шинохтани рӯстоҳое бо аксарияти араб ва сомондиҳии он дар нақб ва тавсеаи барномаи мубориза бо ҷурму хушунат дар ҷомеаи арабиро эълом кард. Нуктаи муҳим дар бораи ду далели мутафовит ва мутазод дар ҷудоии Idit Silman аз кабина ва шурӯти феҳристи муштараки арабӣ барои боқимондан дар кабина аст.

Андешкадаи амрикоии «Stratfor» дар таҳлиле навишт: Idit Silman бахше аз мантиқи худ барои истеъфоро ин тавр баён кард, ки эҳсос мекарда, кабинаи Беннет ба андозаи кофӣ бар ҳувияти яҳудӣ дар муқоиса бо Ҳизби Ликуди Натаняҳу таъкид накардааст.

Дар воқеъ, Idit Silman ва дигароне, ки мисли вай дар кабинаи Беннет фикр мекунанд хостори таваҷҷуҳи бештар ба унсури яҳудият дар арозии ишғолӣ ҳастанд. Ин дар ҳоле аст, ки феҳристи муштараки арабӣ хостори коста шудан аз хушунату ҷиноят алайҳи аъроб дар арозии ишғолӣ ва ҳамчунин коҳиши тамаркуз бар фактори яҳудият дар кабина аст. Ин ду далели мутазод беш аз ҳама нишонаи рангоранг будан, инсиҷом надоштану шикананда будани кабинаи эътилофии Беннет – Лапид аст.

Ончӣ сабаби таъйини ин шартҳо аз сӯи феҳристи муштараки арабӣ шуд, мизони хушунате аст, ки кабинаи Беннет дар моҳҳои ахир алайҳи фаластиниҳо ва аъроби сокин дар арозии ишғолӣ ба кор гирифтааст. Дар пайи шиддат гирифтани хушунатҳо, феҳристи муштараки арабӣ, ки 4 курсӣ дар порлумон (Knesset)-и Исроил дорад таҳдид кард аз кабина, истеъфо ҷамъӣ хоҳанд дод. Дар сӯрати хурӯҷи аъзои феҳристи муттаҳиди арабӣ аз кабинаи режими саҳюнистӣ, теъдоди аъзои ҳомии давлати Нафтали Беннет ба 56 нафар аз 120 нафар хоҳад расид ва бо вазъияти душвортаре рӯба рӯ хоҳад шуд ва расман дигар наметавонад дар хусӯси тасвиби ҳеҷ қонӯне иқдом кунад ва дучори фурӯпошии зӯдҳангом хоҳад шуд.

Бештар бихонед:

• Таҳлил: Афзоиши интиқодҳо аз кабинаи Нафтали Беннет дар арозии ишғолӣ
• Таҳлил: Тақсими кори шаҳракнишинон ва давлати саҳюнистӣ дар нобудии гом ба гоми Қудс ва Масҷидулақсо