Идомаи нақзи оташбаси Яман аз сӯи Эътилофи саудӣ
Июн 06, 2022 16:00 Asia/Dushanbe
Эътилофи саудӣ дар шабонарӯзи гузашта 96 бор оташбаси Яманро нақз кардааст.
Ба гузориши рӯзи душанбеи “Алмасира”, ҳавопаймоҳои таҷассусии мусаллаҳи Эътилофи саудӣ чаҳор бор шаҳристоне дар устони Алҳудайда (ғарби Яман) -ро ҳадаф қарор доданд.
Бар асоси ин гузориш, ҳавопаймоҳои таҷассусии Эътилофи саудӣ ҳамчунин бо парвоз бар фарози устони Алҳудайда оташбасро нақз карданд.
Ин гузориш меафзояд, воҳидҳои мушакӣ ва тӯпхонаии Эътилофи саудӣ низ манотиқе дар устони Алҳудайдаро ҳадаф қарор доданд.
Ба пешниҳоди Созмони Милали Муттаҳид як оташбаси думоҳа аз дувуми апрел дар Яман барқарор шуд, ки аз муҳимтарин мавзӯи он вуруди 18 киштии ҳомили сӯхт ба банодири Алҳудайда ва иҷозаи ду парвози рафту баргашти ҳафтагӣ аз фурудгоҳи Санъо буд.