Оё танишҳои сиёсии Вашингтон таътилии ҷадиди давлатро рақам мезанад?

“Порс-Тудей”. Санои Амрико бо ташдиди танишҳои сиёсӣ ва мухолифати демократҳо бо буҷети амнияти дохилӣ, давлати федералро дубора дар остонаи таътилӣ қарор додааст.

Ҳамзамон бо эъломи мухолифати демократҳои санои Амрико бо буҷети вазорати амнияти дохилӣ, таҳлилгарони сиёсӣ эҳтимол медиҳанд, давлати федерал бори дигар дар остонаи таътилӣ қарор гирад. Ин нигаронӣ пас аз он шиддат гирифт, ки расонаи амрикоии “Политико” гузориш дод, кушта шудани як шаҳрванди 37 сола дар Минниополис ба дасти маъмурони федерал, фазои сиёсиро мултаҳиб кардаву раванди тасвиби буҷетро бо чолиши ҷиддӣ рӯ ба рӯ сохтааст.  

Ба гузориши “Порс-Тудей”, Чак Шумер, раҳбари демократҳои Санои Амрико шанбешаб эълом кард, то замоне ки буҷети пешниҳодӣ шомили буҷети вазорати амнияти дохилӣ бошад, ин ҳизб аз пешбурди бастаи шашлоиҳаӣ, ки қарор аст ҳафтаи оянда баррасӣ шавад, ҳимоят нахоҳад кард.

Ҷумҳурихоҳон барои убур аз садди 60 раъй дар сано ниёзманди ҳамроҳии демократҳо ҳастанд ва мухолифати ахир метавонад масири тасвиби буҷетро масдуд кунад.

Конгресс то кунун буҷети комили солонаи бархе вазоратхонаҳо, аз ҷумла кишоварзӣ, тиҷорат, кишвар ва додгустариро тасвиб карда, аммо буҷети ниҳодҳои муҳиме монанди вазорати дифоъ ҳамчунон билотаклиф аст. Буҷети муваққати ин дастгоҳҳо, ки беш аз 75 дарсади ҳазинаҳои ихтиёрии давлати федералро шомил мешавад, нимашаби ҷумъа ба поён мерасад ва дар сурати адами тавофуқ, бахшҳое аз давлати таътил хоҳад шуд.

Як дастёри демократ, ки нахост номаш фош шавад, эълом кард, сенаторҳои демократ асри якшанбе конфронсе телефонӣ барои баррасии гомҳои баъдӣ баргузор мекунанд. Ба гуфтаи ӯ, тӯфони шадиди ахир дар Амрико ҷаласоти саноро мухтал кардаву тасмимгирӣ дар бораи буҷетро душвортар сохтааст. Қарор аст дар ин нишаст дар бораи наҳваи мудирияти лоиҳаҳои буҷет, ки бояд то 30 январ (10 баҳман) тасвиб шаванд, гуфтугӯ шавад.

Дар пайи интишори хабари тирандозии ахир дар Минниополис, бархе сенаторҳои демократ, ки пештар ваъдаи ҳамкорӣ дода буданд, мухолифати худро бо буҷети вазорати амнияти дохилӣ ташдид карданд. Дар лоиҳаи буҷет ин вазоратхонаву гашти марзӣ ба унвони ниҳодҳои дахил дар амалиёти Миннесота мавриди тавваҷуҳи қарор гирифтаанд.

Ҳамзамон, эътирозоти хиёбонӣ дар Минниополис идома дорад. Муътаризон аз субҳи шанбе бо шиорҳое алайҳи идораи муҳоҷират ва гумруки Амрико роҳпаймоӣ карданд. Ин эътирозот пас аз кушта шудани як шаҳрванди 37 сола тавассути маъмурони федерал шиддат гирифт. Вазорати дифои Амрико низ эълом карда, қасд дорад 1500 неруи низомиро барои контроли авзоъ дар ин шаҳр мустақар кунад.

Ёдоварӣ мешавад, давлати федерали Амрико дар аввали октябри 2025 ба далели адами тасвиби буҷети соли молии 2026 вориди таътилӣ шуд. Таътилие, ки 43 рӯз ба тӯл анҷомид ва тӯлонитарин таътилии таърихи Амрико сабт шуд.