Танкер Трекерс: Эрон 4.6 миллион бушка нафти хом боргирӣ кард

Порс Тудей- Муассисаи радёбии танкерҳо эълом кард: Эрон 4.6 миллион бушка нафти хом дар пойгоҳҳои содиротӣ боргирӣ кард.

Ба гузориши Порс Тудей ба нақл аз хабаргузории Тасним, Танкер Трекерс (TankerTrackers) муассисаи радёбии танкерҳо, рӯзи душанбе эълом кард, ки Эрон муодили 4.6 миллион бушка нафти хомро дар пойгоҳҳои содиротии худ боргирӣ кардааст.

Ин хабар нишон медиҳад, ки Эрон ҳамчунон ба фаъолиятҳои содиротии нафт идома медиҳад ва новгони Амрико дар масдудсозии масирҳои транзитии Эрон нотавон аст.

Дар ҳамин ҳол, хабаргузории «Ассошиэйтед Пресс» рӯзи шанбе дар гузорише эълом кард, ки аз замони ташдиди маҳдудиятҳои дарёии Амрико дар Халиҷи Форс, беш аз 10 миллион бушка нафти Эрон аз ин минтақа хориҷ шудааст.

Бар асоси ин гузориш, омори мазкур мустанад ба додаҳои ширкатҳои раҳгирии таррадуди танкерҳо аст, ки нишон медиҳад чандин маҳмулаи нафтии Эрон тайи рӯзҳои ахир муваффақ ба убур аз маҳдудаи таҳти назорати нерӯҳои амрикоӣ шудаанд. Ба навиштаи ин расона, дастикам чанд танкери ҳомили нафти хоми Эрон дар ин бозаи замонӣ аз Халиҷи Форс хориҷ шудаанд, ки маҷмӯи бори онҳо дар рӯзҳои гузашта ба рақаме беш аз 10 миллион бушка мерасад.