Захираҳои ҷаҳонии сузишворӣ 45 рӯзи дигар тамом мешаванд

Порс Тудей — «Goldman Sachs» ҳушдор дод: Дар саросари ҷаҳон фақат 45 рӯз захираи бензин, дизел ва сӯхти ҷет вуҷуд дорад.

Ба гузориши Порс Тудей ба нақл аз хабаргузории Садо ва Симо; таҳлилгарони «Goldman Sachs» навиштанд: Захираи ҷаҳонии нафт дар ҳоли суқут аст ва ба пойинтарин ҳадди худ дар ҳашт соли гузашта наздик мешавад ва суръати коҳиши он ба қадре сареъ аст, ки бозорро дар маърази шокҳои бештар қарор медиҳад.

Ин таҳлилгарон эълом карданд, ки кулли мавҷудии нафт дар сатҳи ҷаҳон ба ҳудуди 101 рӯзи тақозои мавриди интизор коҳиш ёфтааст, ки пойинтарин сатҳ дар тақрибан ҳашт соли гузашта аст.

Таҳлилгарони «Goldman Sachs» ҳушдор доданд, ки бо таваҷҷуҳ ба набуди дастрасӣ ба Тангаи Ҳурмуз, ин мавҷудӣ метавонад то поёни моҳи май ба 98 рӯзи тақозо коҳиш ёбад.

Таҳлилгарон дар ин ёддошт навиштанд, дар ҳоле ки баид аст захираҳои ҷаҳонии нафт «дар тобистони имсол ба ҳадди ақалли сатҳи амалиётии худ бирасад, суръати коҳиш ва афти арза дар бархе манотиқ ва маҳсулот нигаронкунанда аст».