Сандерс: Трамп ҳазорон бегуноҳро дар Эрон кушт / Кабинаи Натаняҳу наслкуш аст

Порс Тудей — Сенатори мустақили иёлати Вермонти Амрико дар суханоне кабинаи Натаняҳуро наслкуш хонд ва таъкид кард: «Трамп ҷангеро алайҳи Эрон оғоз кард, ки дар он ҳазорон мард, зан ва кӯдаки бегуноҳ кушта шуданд».

Ба гузориши Порс Тудей ба нақл аз хабаргузории Садо ва Симо; Берни Сандерс, сенатори аршади амрикоӣ аз иёлати Вермонт дар суханоне эълом кард: «Трамп мехоҳад 500 миллиард доллар изофӣ ба будҷаи низомӣ ихтисос диҳад, ки авлавияти мардуми Амрико нест».

Ин сенатори аршади амрикоӣ гуфт: «Трамп дар тӯли муборизоти интихоботии худ қавл дода буд, ки ба ҷангҳои бепоён поён диҳад, аммо ҷангеро алайҳи Эрон оғоз кард, ки дар он ҳазорон мард, зан ва кӯдаки бегуноҳ кушта шуданд».

Берни Сандерс илова кард: «Мо ба сиёсати хориҷии ғайриахлоқӣ ва нокоромад, ва ҳамчунин будҷаи низомии бисёр фаротар аз як триллион доллар дар сол, поён хоҳем дод. Дигар хабаре аз сарфи миллиардҳо доллар барои ҷангҳои бепоён нахоҳад буд. Дигар хабаре аз сарфи миллиардҳо доллар барои кабинаи наслкуши Натаняҳу дар Исроил нахоҳад буд».