Ривояти тозаи «CBS» аз итмоми мӯшакҳои дурбурди Амрико дар ҷанг
Порс Тудей - Шабакаи телевизионии «CBS»-и Амрико эълом кард, ки Амрико тақрибан тамомии захоири мӯшакҳои дақиқи дурбурди худро дар ҷанг бо Эрон масраф кардааст.
Ба гузориши Порс Тудей, шабакаи «CBS»-и Амрико ба нақл аз ду манбаи огоҳ гузориш дод, ки Иёлоти муттаҳида дар ҷараёни ҷанг бо Эрон, тақрибан тамоми захираи ҷаҳонии худ аз мӯшакҳои дақиқи дурбурд, ба вижаи тамоми мавҷӯдии мӯшакҳои "Atacms" -ро масраф кардааст.
Ин шабака ба нақл аз мақомҳои амрикоӣ навишт, ки дар ҳоли ҳозир бештарин нигаронӣ дар бораи теъдоди мӯшакҳои раҳгирии марбӯт ба сомонаҳои Patriot and THAAD аст, зеро масрафи онҳо бо суръати бештар аз тавони санъати Амрико барои ҷойгузинӣ ё тавлиди намунаҳои ҷадид идома дорад.
Пеш аз ин низ СНН ба нақл аз манобеи огоҳ эълом кард, ки артиши Амрико аз замони оғози ҷанг бо Эрон, ҳудӯди 80 дарсад аз захоири мӯшакҳои сомонаи падофандии THAAD ва наздик ба ниме аз мӯшакҳои Патриотро масраф кардааст.
Бар асоси ин гузориш, неруҳои амрикоӣ ҳамчунин ҳудӯди ниме аз захоири мӯшакҳои крузи «Tomahawk»-ро низ дар ҷанг бо Эрон масраф кардаанд.
СНН ба нақл аз манобеи худ афзуд, ки фармондеҳони аршади низомии Амрико нисбат ба коҳиши хатарноки захоири муҳимоти вазорати ҷанги ин кишвар ҳушдор додаанд ва ин мавзӯ ба яке аз нигарониҳои аслии Пентагони табдил шудааст.
Дар ҳамин ҳол, мақомҳои амрикоӣ ба СНН гуфтаанд, ки коҳиши мавҷӯдии сомонаҳои дифои ҳавоии Иёлоти муттаҳида, нигаронии бархе кишварҳои ҳошияи Халиҷи Форсро низ барангехтааст.
