Коҳиши саҳми муҳоҷирони корӣ дар иқтисоди Русия дар дастури кор
Март 03, 2018 13:02 Asia/Dushanbe
Муовини нахуствазири Русия бар зарурати коҳиши теъдоди муҳоҷирони корӣ дар иқтисоди ин кишвар таъкид кард.
Ба гузориши хабаргузории Форс дар Душанбе, Олга Галадос дар нишасте дар ин бора гуфт: Барои маҳдуд кардани дастрасии нерӯи кори хориҷӣ ба бозори иштиғоли Русия барномаҳое дар дасти иқдом аст.
Вай афзуд: Барои мисол дар соли 2015 саҳми муҳоҷирони хориҷӣ дар бахши мусофирбарӣ 50 дарсад буд, ки имрӯза то 28 дарсад коҳиш ёфтааст ва ин раванд идома дорад.
Галадос изофа кард: Дар соли 2015 саҳми нерӯи кори хориҷӣ дар бахши тиҷорат 25 дарсад буд; аммо дар ҳоли ҳозир ба 15 дарсад расидааст.
Муовини нахуствазири Русия таъкид кард: Мо бояд талошҳо барои коҳиши тадриҷии ин шохисро бо дарназар гирифтани авлавиятҳои иқтисодии кишвар анҷоми диҳем.