Даъвати Ашраф Ғанӣ аз Имрон Хон барои сафар ба Кобул
Июл 30, 2018 11:27 Asia/Dushanbe
Раисҷумҳури Афғонистон аз раҳбари пирӯзи "таҳрики инсоф" дар интихоботи парлумонии Покистон барои сафар ба Кобул даъват кард.
Ашраф Ғанӣ дар гуфтугӯи телефонӣ бо Имрон Хон, пирӯзии ӯро дар интихоботи парлумонии Покистон табрик гуфт ва аз вай барои сафар ба Кобул даъват кард.
Раҳбари таҳрики инсофи Покистон панҷшанбе дар нахустин нишасти хабарӣ пас аз ба даст овардани 115 курсии маҷлиси миллии ин кишвар гуфт, ҳизбаш хоҳони равобити беҳтар бо Афғонистон аст ва ба талошҳояш барои барқарори сулҳ дар он кишвар идома медиҳад.
Имрон Хон афзуд, амнияти Покистон дар гарави амнияти Афғонистон аст ва замоне, ки ин кишвар аз оромиш бархурдор бошад, Покистон низ оромиш хоҳад дошт.