Трамп дар фикри барканории Ҷеймс Матис аз Вазорати дифои Амрико
Сентябр 16, 2018 19:23 Asia/Dushanbe
Як рӯзномаи амрикоӣ ба нақл аз мақомоти мухталифи ин кишвар гузориш дод, ки Трамп дар фикри барканории Ҷеймс Матис аз симмати раёсати Пентагон аст.
Баъд аз мунташир шудани гузоришҳое мабнӣ бар эҳтимоли истеъфои Ҷеймс Матис, вазири дифои Амрико, акнун гуфта мешавад, ки Доналд Трамп, раисҷумҳури ин кишвар, худ дар фикри барканории ӯст.
Рӯзномаи Ню-Йорк Таймз дар матлабе гузориш дод, муддате аст, ки шоми муштараки Матис бо Трамп қатъ шудааст.
Ба навиштаи ин рӯзнома, дар тамоми мусоҳибаҳои гирифташуда аз даҳҳо мақоми Кохи Сафед, конгресс, мақомоти феълӣ ва пешини Вазорати дифои Амрико таи шаш ҳафтаи гузашта, ҳиссе аз вахим шудани равобити ин ду нафар ғолиб аст.