Маймунҳо зиндагии мардуми Деҳлиро мухтал кардаанд
Ҳудуди чаҳор ҳазор то панҷ ҳазор маймун дар ҳар нуқтае аз Деҳлии Нав ҳатто дар кохи раёсатҷумҳурии ин кишвар ҳузур доранд ва ба роҳатӣ вориди ҳар сохтмон ва минтақае мешаванд.
Маймунҳои музоҳим дар Деҳлӣ, пойтахти Ҳинд дар мавориди бисёре зиндагии сокинони ин шаҳр ва раванди фаъолият дар марокизи сиёсии умда монанди марокизи давлатиро ҳам мухтал кардаанд.
Ин маймунҳо натанҳо хутут ва симҳои интиқоли барқ Деҳлиро пора мекунанд, балки дар мавориде бо шикастани шишаҳои сохтмонҳои давлатӣ вориди ин сохтмонҳо мешаванд ва асноду мадорики давлатиро пора мекунанд.
Раҷини Шарма, аз сокинони Деҳлии Нав мегӯяд: Маймунҳо гоҳе ҳатто аснод ва мадорикеро, ки афрод дар даст доранд, аз онҳо мегиранд ва баъд ин аснодро пора мекунанд. Онҳо аз дар ва девор ва хонаҳои мардум боло мераванд.
Перя Синг, яке дигар аз сокинони Деҳлӣ мегӯяд: Аслан наметавон дар муҳити боз ва дар баробари чашмони ин маймунҳо ғизо хурд.
Масъулони Ҳинд ахиран чиҳил нафар аз мураббиёни гирифтан ва омӯзиши маймунҳоро истихдом кардаанд, то бо кумаки онҳо битавонанд маймунҳои Деҳлии Навро контрол кунанд.