Режими саҳюнистӣ масъулияти таҷовуз ба Сурияро пазируфт
Январ 13, 2019 21:04 Asia/Dushanbe
Нахуствазири режими саҳюнистӣ эълом кард: Исроил масъулияти ҳамлаи ҳавоӣ ба Фурӯдгоҳи байналмилалии Димишқро бар уҳда мегирад.
Бенямин Нетаняҳу, нахуствазири режими саҳюнистӣ эълом кард: Нерӯи ҳавоии Исроил дар шомгоҳи ҷумъа ба чандин ҳадаф дар Фурӯдгоҳи байналмилалии Димишқ ҳамла кардааст.
Нетаняҳу муддаӣ шуд: Исроил токунун садҳо бор ба мавозеи нерӯҳои Ҳизбуллоҳ ва аҳдофи дигаре дар Сурия ҳамла кардааст.
Пеш аз ин, Гади Эйзенкот, раиси ситоди муштараки артиши Исроил низ дар мусоҳибае бо Ню-Йорк Таймз ба таҷовузи мукаррари артиши ин режим ба Сурия эътироф карда буд.
Хабаргузории расмии Сурия (САНА) бомдоди шанбе гузориш дод: Фурӯдгоҳи байналмилалии Димишқ ҳадафи ҳамлаи чанд мушаки ҷангандаҳои режими саҳюнистӣ қарор гирифтааст.