Судури дастури таваққуфи парвози СУ-34 дар Русия
Январ 18, 2019 19:25 Asia/Dushanbe
Дар пайи бархурди ду ҳавопаймои СУ-34 дар Русия, вазорати дифои ин кишвар дастур дод, парвози ин навъи ҳавопаймо дар саросари кишвар мутаваққиф шавад.
Ба гузориши Хабаргузории садо ва симои Эрон, мақомоти вазорати дифои Русия эълом карданд, субҳи рӯзи ҷумъа ду ҳавопаймои СУ-34 ҳангоми иҷрои парвози намоишӣ бар фарози обҳои Баҳри Япония дар дуртарин нуқтаи шарқии Русия бо ҳам бархурд карданд ва яке аз онҳо суқут кард.
Бар асоси ин гузориш, халабон ва кумакхалабони ин ҳавопаймо пеш аз суқут худро ба берун партоб кардаанд.
Ин гузориш ҳокӣ аст ҳавопаймои дувум бо осебдидагии камтар тавонист дар пойгоҳи ҳавоии Шарқи Дури Русия фуруд ояд.
Ҳавапаймои ҷангии бомбаафкани СУ-34 аз ҳавопаймоҳои пешрафтаи Русия маҳсуб мешавад.