Имзои асноди ҳамкорӣ байни Афғонистон ва Туркманистон
Феврал 21, 2019 13:10 Asia/Dushanbe
Дар ҳошияи сафари раисиҷумҳури Афғонистон ба Туркманистон, 9 санади ҳамкорӣ дар заминаҳои мухталиф байни ду кишвар ба имзо расид.
Ба гузориши Форс, бо ҳузури Ашраф Ғанӣ ва Қурбонгулӣ Бердимуҳаммадов, 9 тавофуқнома дар заминаҳои мухталифи фарҳангӣ, энержӣ ва тиҷорат ба имзои мақомоти аршади ду кишвар расид.
Раисони ҷумҳурии Афғонистон ва Туркманистон пас аз имзои ин аснод, ҳамчунин дар бораи масоили муҳимми минтақа ва дуҷониба баҳсу табодул назар карданд.
Бердимуҳаммадов ва Ғанӣ дар ин дидор ҳамчунин бар густариш ҳамкориҳои ду кишвар дар заминаҳои мухталиф, аз ҷумла мубориза бо терроризм ва ифротгароӣ таъкид карданд.
Раисиҷумҳури Афғонистон рӯзи гузашта дар садри ҳайати олирутба вориди Ашқобод (пойтахти Туркманистон) шуд.