Гузориши зиддиэронии "Ҷовид Раҳмон" ғараздор ва бидуни машруъият
Намояндагии Эрон дар Шурои ҳуқуқи башари Созмони Миллали Муттаҳид гузориши нави гузоришгари вижаи ин созмони зидди Эронро ғараздор ва бидуни машруъият ва эътибор донист.
Ҷовид Раҳмон гузоришгари вижаи Созмони Миллал дар умури ҳуқуқи башари Эрон рӯзи душанбе дар нишасти Шурои ҳуқуқи башари Созмони Миллал дар Женеваи Швейтсария бо интиқоди дубора аз иҷрои Қонуни исломии қасос ва эъдоми қочоқчиёни маводи мухаддир дар иддаое такрорӣ ба поймолсозии ҳуқуқи башар дар Эрон пардохт.
Ба гузориши Радиои дарӣ, намояндагии Эрон дар Шурои ҳуқуқи башари Созмони Миллали Муттаҳид дар вокуниш ба ин иддаоҳои Ҷовид Раҳмон дар баёнияе тасреҳ кард ҳифз ва ҳимоят аз ҳуқуқи башар яке аз усули бунёдини инқилоби исломии Эрон аст.
Намояндагии Эрон дар Шурои ҳуқуқи башари Созмони Миллали Муттаҳид бо баёни инки Ҷумҳурии исломии Эрон мусаммам ба посдорӣ аз мардуми худ дар баробари терроризм ва маводди мухаддир аст хотирнишон кард Амрико ва муттаҳидонаш омили аслии густариши тавлид ва қочоқи маводи мухаддир дар минтақа ҳастанд.
Намояндагии Эрон дар Шурои ҳуқуқи башари Созмони Миллали Муттаҳид бо таъкид бар ин ки гузоришҳои газоришгари вижа бар пояи қатъномае ғайри одилона ва ғайри мунсифона бар асоси ҳадафҳои сиёсӣ ва бадхоҳонаи маъдуд кишварҳои мушаххас ва муғриз таҳия ва ироа мешаванд тасреҳ кард, баҳрагирӣ аз руйкардҳои сиёсӣ, ғайрисодиқона ва бар асоси стандардҳои комилан дугона аз сӯи бархе кишварҳо, ҳосиле ҷуз тазъифи ҷойгоҳ ва шаъни мақулаи ҳуқуқи башар дар сатҳи ҷаҳон нахоҳад дошт.
Намояндагии Эрон дар Шурои ҳуқуқи башари Созмони Миллали Муттаҳид таъкид кард, Ҷумҳурии исломии Эрон ҳамчун ҳамеша ба таомули содиқонаи худ бо Дафтари камисер ва дигар созукорҳои солиҳаи ҳуқуқи башарии Созмони Миллали Муттаҳид ва низ бо дигар давлатҳо дар ростои ҳамкорӣ барои иртиқои ҳуқуқи башар идома хоҳад дод.
