Шоҳзодаи Саудӣ; рӯё рӯии Риёз бо Эрон фоҷиабор аст
Аҳмад бин Абдулазиз, бародари шоҳи Саудӣ зимни мухолифат бо вурӯди Риёз ба ҳаргуна мувоҷиҳаи низомӣ бо Эрон, натиҷаҳои онро барои Арабистон фоҷиабор арзёбӣ кардааст.
Ба нақл аз ИРНА Аҳмад бин Абдулазиз аз чеҳраҳои мухолифи сиёсатҳои Муҳаммад бин Салмон валиаҳди Арабистон гуфтааст,ки агар валиаҳд қасди пайвастан ба Иттилофи амрикоӣ- англисӣ барои мувоҷиҳаи низомӣ бо Эронро дошта бошад, вай бо ин масала мухолифат хоҳад кард.
Ин шоҳзодаи Саудӣ таъкид кардааст,ки Арабистон ба ҷои ҳамроҳӣ бо барномаҳои Доналд Трамп раиси ҷумҳурии Амрико,ки минтақаро ба самти як ҷанги нав пеш мебарад,бояд дар паи ваҳдат дар Шӯрои ҳамкории Халиҷи Форс бошад.
Аҳмд бин Абдулазиз афзуд ; касе наметавонад Ӯро аз ҳушдордодан нисбат ба натиҷаҳои ҷанги вайронгар бо Эрон боз дорад; бахусус ин,ки Риёз акнун даргири ҷанги Яман аст.
Дар ҳамин ҳол Салмон бин Абдулазиз шоҳи Саудӣ аз Муҳаммад бин Салмон хостааст то монеи мулоқоти шоҳзода Аҳмад бо шоҳзодаҳои дигар нашавад.
Ин шоҳзодаи муоризи саудии муқими Лондон, мухолифи сиёсатҳои бин Салмон буда ва аз маъдуд шахсиятҳои Саудӣ аст,ки метавонад мавозеи худро ба шакли аланӣ ва сариҳ эълом кунад.
Ӯ дар моҳи ноябри соли 2017 ва соате пеш аз боздошти 11 нафар аз шоҳзодагони Саудӣ тавассути бин Салмон,мувафақ ба хуруҷ аз арабистон ва иқомат дар Лондон шуд.
