Путин Амрикоро таҳдид кард

Раисҷумҳури Русия Амрикоро ба муқобилаи ба мисл дар хусуси тавлиди мушакҳои ҳастаӣ таҳдид кард.

Ба гузориши “Рейтерз”, Владимир Путин, раисҷумҳури Русия дар вокуниш ба иқдомоти таҳрикомези Амрико ҳушдор дод, дар сурате ки Вашингтон мушакҳои ҳастаии ҷадид, кӯтоҳ ва миёнбурдро тавлид кунад, Маскав низ иқдоми мушобеҳеро анҷом хоҳад дод. Путин Амрикоро мусаббаби марги Паймони INF донист, аммо таъкид кард, ки лозим аст, Маскав ва Вашингтон музокироти марбут ба контроли таслиҳотро аз сар бигиранд, то аз мусобиқаи таслиҳотӣ ҷилавгирӣ шавад.

Давлати Амрико рӯзи ҷумъа, дувуми август бо иддаои ин ки Русия мафоди Паймони нерӯҳои ҳастаии миёнбурд (INF)-ро нақз кардааст, ба таври расмӣ аз ин паймон хориҷ шуд, аммо Русия Амрикоро муқассири аслии риоят накардани мафоди ин паймон медонад.

Паймони INF, ки тавлиди мушакҳои миёнбурди ҳастаӣ ва ғайриҳастаӣ бо бурди байни 500 то 5500 километрро мамнӯъ мекард, дар соли 1987 миёни Иттиҳоди Ҷамоҳири Шӯравӣ ва Амрико имзо шуда буд.