Поксозии шоҳроҳи Кундӯз - Тахор аз вуҷуди Толибони Афғонистон
Сентябр 12, 2019 11:57 Asia/Dushanbe
Вазорати дифои миллии Афғонистон аз поксозии шоҳроҳи Кундӯз - Тахор аз вуҷуди Толибон хабар дод.
Ба гузориши хабаргузории “Ово”, Вазорати дифои Афғонистон рӯзи чаҳоршанбе дар баёнияе эълом кард, шоҳроҳи Кундӯз - Тахор дар амалиёти муштараки нерӯҳои артиш ва амниятии кишвар аз вуҷуди Толибон поксозӣ ва ин шоҳроҳ ба рӯйи рафтуомади мардум боз шуд.
Дар баёнияи Вазорати дифои Афғонистон омадааст, дар ин амалиёт 10 узви Толибон, аз ҷумла яке аз саркардагони ин гурӯҳ кушта ва 5 тани дигар аз онон захмӣ шуданд.