Таъкиди Абдуллоҳ Абдуллоҳ бар лузуми канор рафтани Ашрафғанӣ аз қудрат

Раиси иҷроии давлати Ваҳдати Миллии Афғонистон бар лузуми канор рафтани Муҳаммад Ашрафғанӣ, раисҷумҳури ин кишвар аз қудрат таъкид кард.

Ба гузориши хабаргузории “Форс”, Абдуллоҳ Абдуллоҳ дар мусоҳиба бо рӯзномаи “Ню-Йорк Таймс” гуфт, Ашрафғанӣ барои Афғонистон як чолиш буда ва мавзуъ ин аст, ки чӣ гуна вай бидуни ин ки ба кишвар латма бизанад, аз қудрат канор меравад.

Раиси иҷроии давлати Ваҳдати Миллии Афғонистон бо баёни ин ки дар ин давр аз интихоботи раёсати ҷумҳурӣ созиш ва мусолиҳае даркор нест, афзуд, ба даст гирифтани қудрат тавассути Ашрафғаниро таҳаммул намекунад.

Абдуллоҳ Абдуллоҳ зимни таъкид бар идома мубориза барои пирӯзӣ дар интихоботи ахири раёсати ҷумҳурии Афғонистон таъкид кард, ки агар пирӯзии Ашрафғанӣ ба сурати ноодилона ва ғайришаффоф бошад, онро намепазирад.

Интихоботи раёсати ҷумҳурии Афғонистон 28 сентябр баргузор шуд ва эъломи натоиҷи аввалияи он то кунун се бор ба иллати мушкилоти фаннӣ дар раванди шумориши оро ба таъхир афтодааст.

Ба гуфтаи огоҳони сиёсӣ, Муҳаммад Ашрафғанӣ, раисҷумҳури феълии Афғонистон аз тими интихоботии Давлатсоз ва Абдуллоҳ Абдуллоҳ аз тими Субот ва ҳамгироӣ, аз шонси бештаре барои пирӯзӣ дар интихобот бархурдор ҳастанд.