Байден: Нажодпарастии низомманд дар Амрико собиқаи 200-сола дорад
Июл 05, 2020 14:55 Asia/Dushanbe
Номзади демократҳо дар интихоботи раёсатҷумҳурии 2020-и Амркио ёдовар шуд, нажодпарастии низомманд дар ин кишвар собиқаи 200-сола дорад.
Ба гузориши Форс, Джо Байден дар Твиттер бо баёни ин, ки нажодпарастии низомманд беш аз 200 сол дар Амрико вуҷуд дорад, афзуд, ки табъизи нажодӣ ва нажодпарастӣ ҳамчунон таъсири мухаррибе бар ҷомеаи Иёлоти Муттаҳида дорад.
Ин изҳороти Байден дар ҳоле аст, ки шаҳрҳои мухталифи Амрико дар чанд ҳафтаи гузашта саҳнаи тазоҳуроти мардуми мӯътариз ба рафтори нажодпарастонаи пулиси ин кишвар будааст.
Дар эътирозоти ҳафтаи ахир дар Амрико ҳазорон нафар маҷрӯҳ ё боздошт шуданд.