Pars Today

Раиси ҷумҳурии мунтахаби Амрико дар аввалин вокуниши худ ба террори донишманди ҳастаии Эрон, ин террорро заминасози печидатар шудани таомулоти давлати худ бо Теҳрон донист.

Ҷо Байден дар мусоҳиба бо шабакаи Си Эн Эн гуфт: “Бароям сахт аст, ки бигӯям ин террор то чӣ андоза таомулоти ман бо Теҳронро печида хоҳад кард”.

Байден дар идома бо таъкид бар иштибоҳ будани сиёсатҳои Доналд Трамп алайҳи Эрон гуфт, ин сиёсатҳо муҷиби тақвияти донишу тавони ҳастаии Эрон шудааст.

• Гузориши вижа: Ду пурсиши асосӣ дар бораи террори донишмандони эронӣ

Дар давраи раёсати ҷумҳурии Доналд Трамп Амрико аз бисёре аз созмонҳову паймонҳои байналмилалӣ, аз ҷумла тавофуқи ҳастаӣ бо Эрон хориҷ шуд, аммо Байден дар муборизоти интихоботии худ ваъдаи бозгашт ба ин созмонҳову паймонҳоро додааст.

• Аносури террористии мусаллаҳ рӯзи ҷумъаи 27 ноябр Муҳсини Фахризода, донишманди ҳастаӣ ва муовини пажӯҳиш ва навоварии вазири дифоъ ва пуштибонии нерӯҳои мусаллаҳи Эронро террор карданд.

Бисёре аз кишварҳо, шахсиятҳои сиёсӣ ва коршиносон дар ҷаҳон билофосила пас аз ин ҳамлаи террористӣ ангушти иттиҳомро ба сӯи Амрикову Исроил нишон гирифтанд.

Бештар бихонед:

• Трамп нақши Моссад дар террори шаҳид Фахри‌зодаро таъйид кард
• Ҳамкории бархе сервисҳои бегона бо Исроил дар террори шаҳиди Фахри‌зода
• Нахустин вокуниши расмии саудиҳо ба террори шаҳид Фахризода