Покистон ҳамаи ихтилофоташро бо Ҳинд ҳал мекунад
Вазири умури хориҷаи Покистон аз тасмими ин кишвар барои ҳаллу фасли тамоми ихтилофот ва танишҳову масоили дуҷониба бо Ҳинд хабар дод.
Ба гузориши хабаргузории “Форс”, Шоҳмаҳмуди Қурайшӣ, вазири умури хориҷаи Покистон гуфт: Мо мехоҳем ҳамаи масоилро бо Ҳинд аз тариқи гуфтугӯи сулҳомез ҳал кунем.
Вай изофа кард: Покистон мехоҳад мутобиқ бо қатъномаҳои Шӯрои амнияти Созмони Милал бо Ҳинд дар мавриди масъалаи Кашмир гуфтугӯ кунад, аммо мо наметавонем аз мавзӯи ҳуқуқи башари кашмириҳо чашмпӯшӣ кунем.
Қурайшӣ ёдовар шуд: Покистон қасди ҳуҷум надорад, аммо агар ҳодисаи Болокут такрор шавад, медонад чӣ гуна аз худ дифоъ кунад.
Ба гуфтаи вазири умури хориҷаи Покистон, Ҳинд 26 феврали 2019 аз марзҳои Покистон убур ва Болокутро бомбаборон кард то ба ҷаҳониён бигӯяд, ба як урдӯгоҳи шибҳинизомиён ҳамла кардаву ҳудуди 300 террористро куштааст. Аммо имрӯз ба ҷаҳон собит шудааст, ки ҳеч урдӯгоҳе аз шибҳинизомиён дар он ҷо набуда ва ҳеч террористе дар онҷо кушта нашудааст.
Қурайшӣ таъкид кард: Мо дунболи ташдиди танишҳо нестем, аммо мехоҳем ба ҷаҳониён собит кунем, ки қодир ба муҳофизат аз худ ҳастем.
Бештар бихонед:
- Тавофуқи Ҳинд ва Покистон бар сари оташбас дар минтақаи Кашмир
- Покистон Ҳиндро ба ҳимоят аз ДИИШ муттаҳам кард
- Ҳушдори Имрон Хон дар бораи қатли оми мардуми Кашмир ба дасти ҳиндуҳо
