Суқути маргбори як ҳавопаймои низомӣ дар Амрико

Пас аз суқути ҳавопаймои низомии ИМА дар як маҳаллаи истиқоматии Невада дасти кам як нафар кушта шудааст.

Ба гузориши радиои тоҷикии Садои Хуросон ба нақл аз хабаргузории Спутник,  як ҳавопаймои  низомӣ рӯзи душанбе бар хонае дар наздикии пойгоҳи нерӯи ҳавоии Налис дар шаҳри Лас Вегас дар иёлати Невада суқут кард.

Як нафар дар ин сониҳа кушта шудааст, аммо маълум нест оё фарди кушташуда халабони ин ҳавопаймо ё яке аз афроди сокини хонаи маҳалли суқути ҳавопаймо ё атрофи он аст. 

Мақомоти маҳаллӣ ва федерол  ҳам акнун саргарми баррасии иллати суқути ин ҳавопаймо ҳастанд. 

Навъи ҳавопаймо ва иллати суқут ҳанӯз эълом нашудааст.