Русия : Ҳузури низомии Амрико дар Осиёи Марказиро намепазирем
Муовини вазири умӯри хориҷаи Русия ҳар гуна ҳузури низомии Вашингтон дар Осиёи Марказиро ғайри қобили қабул хонд .
Ба гузориши радиои тоҷикии Садои Хуросон, Сергей Рябоков пас аз дидор бо Виктория Толонд-муовини вазири умӯри хориҷаи Амрико аз мухолифати кишвараш бо ҳузури низомии Амрико дар Осиёи Марказӣ хабар дод .
Вай бо ишора ба дидор бо ҳамтои амрикоии худ гуфт : Мо таъкид мекунем ҳар гунаи ҳузури низомии Амрико дар кишварҳои Осиёи марказиро ғайри қобили қабул медонем .
Бинобар суханони вай дар ин дидор масоили Афғонистон баҳсу баррасӣ шуд .
Муовини вазири умӯри хориҷаи Амрико бо ҳадафи баррасии равобити дуҷониба ва ҳамчунин масоили минтақаӣ ва ҷаҳонӣ вориди Маскав шуд .
Дар ин дидор дар мавриди истифодаи эҳтимолии пойгоҳҳои низомии Русия дар Осиёи Марказӣ ба вижа дар Тоҷикистону Қирғизистон барои мудӣрияти муштараки авзоъ дар Афғонистон суҳбат шуд.