Зеленский муддаӣ шуд : Мутмаин нестам Путин зинда бошад

Раиси ҷумҳӯри Украина дар маҷмаъи ҷаҳонии иқтисод дар тавҷеҳи бемайлӣ Киев барои музокира бо Маскав иддао кард, ки итминон надорад раиси ҷумҳӯри Русия зинда бошад.

Иддаои таваҳҳумгунаи Владимир Зеленский-раиси ҷумҳӯри Украина дар ҳоле матраҳ шуд, ки Владимир Путин, раиси ҷумҳурии Русия рӯзи чаҳоршанбе дар ҷараёни боздид аз корхонаи Обухов дар ҳаштодумин солгард шикастани муҳосираи Ленинград дар ҳузури расонаҳову хабарнигорон суханронӣ кард .
Ба гузориши рӯзномаи « Метро », Зеленский рӯзи чаҳоршанбе дар бахше аз суханронии худ дар нишасти Давос дар иртибот бо мавзӯи музокироти сулҳи байни Украину Русия ба масъалаи гуфтугу бо раиси ҷумҳӯри Путин ишора кард ва гуфт : « Дар ҳоли ҳозир намедонам бо чи касе суҳбат кунам . Ман мутмаин нестам, ки раиси ҷумҳӯри Русия ҳануз зинда аст ё хайр ва намедонам ки чи касе дар он ҷои ӯ тасмимгирӣ мекунад . Ман чунин иттилооте дар ихтиёр надорам » .
Дар ҳоле ки ҳеҷ гуна нишонаҳое дар бораи бемории раиси ҷумҳури Русия вуҷуд надорад, бархе манобеи ғарбӣ талош мекунанд то дар авҷи ҷанги Украина саломатии Владимир Путинро зери савол бибаранд ва ҳатто муддаӣ шудаанд, ки бадали Путин дар бархе маконҳои умумӣ ҳозир мешавад .
Изҳороти Зеленский дар ҳоле матраҳ шудааст, ки борҳо мақомҳои Маскав аз бемайлии тарафи украинӣ барои музокира бо Русия барои ҳаллу фасли ҷанги Украина сухан ба миён овардаанд ва таъкид кардаанд, ки Киев ба дунболи тулонӣ кардани ҷанги Украина аст .
Беш аз 10 моҳ аз ҷанги Русия бо Украина мегузарад ва таи ин муддат бисёре аз зерсохтҳои украинӣ нобуд шуда ва миллионҳо нафар аз мардуми ин кишвар овора шудаанд.