Маҳкумияти ҳамла ба масҷиди Пишовари Покистон аз сӯи Гутерриш
Антонио Гутерриш-дабири кули Созмони Милал ҳамла ба масҷиде дар Пишовари Покистонро маҳкум кард .
Бар асари инфиҷори террористии зуҳри душанбе дар яке аз масоҷиди шаҳри Пишовар-маркази иёлати Хайбар-Пахтунхоҳ дар шимолу ғарби Покистон 32 тан шаҳид ва беш аз 60 нафар захмӣ шуданд.
То кунун ҳеҷ фард ё гуруҳе масъӯлияти инфиҷори рӯзи душанбе дар шаҳри Пишоварро бар уҳда нагирифтааст.
Ба гузориши ИРНА, Гутерриш зимни ибрози ҳамдардӣ бо қурбониёни ин ҳамла хоҳони беҳбудии фаврии маҷрӯҳон шуд .
Вай ҳамчунин бар ҳимояти Созмони Милал аз мардуму давлати Покистон дар муборизаи онҳо бо тероризм таъкид кард .
Бар асоси оморҳо дар соли 2022 беш аз 500 ҳамлаи террористӣ дар Покистон сабт шудааст . Масъӯлияти аксари ин ҳамалотро гуруҳи таҳрики толибони Покистон ( TTP ) бар уҳдда гирифтааст .
Ин гуруҳ чанде пеш пас аз шикасти музокирот бо Исломобод, поёни оташбасро эълом кард . Манотиқи шимолӣ бавижа иёлати Хайбар-Пахтунхоҳ ва Балӯчистон дар ҷануб шоҳиди бештарин даргириҳо ва ҳамалоти террористӣ дар моҳҳои ахир будааст.
