Owganystanyň goňşy ýurtlarynyň daşary işler ministrleriniň duşuşygynyň jikme-jiklikleri
Eýran Yslam Respublikasynyň Daşary işler ministri Eýran, Russiýa, Hytaý we Päkistanyň Owganystan barada Samarkantda geçirilen ikinji dört taraplaýyn duşuşygy barada jikme-jik maglumat berdi.
Eýranyň Daşary işler ministri Huseýin Amir Abdollahian Eýranyň, Russiýanyň, Hytaýyň we Pakistanyň Samarkantda geçirilen ikinji dört taraplaýyn ýygnagyna gatnaşandan soň, bu duşuşygyň jikme-jiklikleri barada şeýle diýdi: Owganystandaky ýagdaý bilen baglanyşykly aladalara ünsi çekdik, bu aladalar Owganystanda terrorçylygyň ýaýramagy, ABŞ-nyň Owganystana garşy sanksiýalarynyň dowam etmeginden dörän krizisler we owgan halkynyň durmuş şertleri ýaly meseleler we onuň islenmeýän netijesi, ýagny goňşy ýurtlara, şol sanda Eýran Yslam Respublikasyna göçýän bosgunlaryň we immigrantlaryň sanynyň köpelmegine üns berdik.
Eýranyň Daşary işler ministri şeýle hem, neşe söwdasyna garşy göreşmegiň zerurlygy we bu meselede owgan hökümetiniň jogapkärçiligi we owgan aýal-gyzlaryny bilimden mahrum etmek baradaky çynlakaý alada Owganystanyň goňşy daşary işler ministrleriniň ýygnagynda ara alnyp maslahatlaşylar diýdi.
Aýtmak ýerli bu ýygnaga Özbegistan, Türkmenistan we Täjigistanyň daşary işler ministrleri hem gatna'andyrlar.
Eýranyň Daşary işler ministri Huseýin Amir Abdollahian bu ýygnagyň çäginde Pakistanyň Daşary işler boýunça geňeşçi ministri Hina Rabbani we Owganystanyň Daşary işler ministriniň wezipesini wagtlaýyn ýerine ýetirijisi bolýan Amir Han Motagi bilen duşuşdy we maslahatlaşdy.
