Eýranyň 12-nji parlament saýlawlarynyň gutarnykly we deslapky netijeleri yglan edildi
Eýranyň Içeri işler ministrliginiň saýlaw merkeziniň metbugat sekretary dürli welaýatlardaky käbir saýlaw okruglarynyň soňky netijelerini we Tähran, Reý, Yslamşahr, Şemiranat we Pardis saýlaw okruglarynyň deslapky netijelerini yglan etdi.
Yslam Şura Mejlisiniň 12-nji döwür saýlawy we Ýolbaşçylygyň Bilermenler Assambleýasynyň 6-njy döwür saýlawy düýn, anna güni (1-nji mart) Eýran halkynyň dürli gatlaklarynyň garşylamagy bilen geçirildi. Eýranda ýerli wagt bilen sagat 8: 00-da başlanan bu saýlaw 16 sagatdan (birnäçe uzaldyş) 24: 00-da tamamlandy.
Eýran halkynyň bu saýlawlara giňden gatnaşmagy, Amerikanyň Birleşen Ştatlarynyň ýolbaşçylygyndaky Eýran Yslam Respublikasynyň garşydaşlarynyň adamlary ses bermekden saklamak baradaky tagallalaryny puja çykardy.
IRIB habar gullugynyň habaryna görä, ses berişlik tamamlanandan soň, Eýranyň hemme künjegindäki saýlaw okruglarynda sesleriň okalmagy we sanalmagy welaýatlaryň saýlaw okruglarynyň saýlaw merkezi tarapyndan geçirildi we käbir welaýatlaryň gutarnykly we deslapky netijeleri yglan edildi.
Eýranyň Içeri işler ministrliginiň saýlaw merkeziniň metbugat sekretary "Mohsen Eslami" Tähran welaýatynyň Saýlaw merkezinden alnan netijelere esaslanyp, Tähran, Reý, Şemiranat, Yslamşahr we Pardis saýlaw okruglaryndaky 5000 şahamçadan 1960 şahamça hasaba alyndy we şahamçanyň netijeleri ýurduň saýlaw merkezine iberildi. Bu hasapda ilkinji otuz adam yglan edildi.
