Eýranyň daşary syýasatynyň ileri tutulýan ýerleri
Eýranyň daşary syýasatynyň ileri tutulýan ýerleri, goňşy we sebit ýurtlar bilen şeýle-de garşylyk toparlary bilen hyzmatdaşlyklary pugtalandyrmakdyr.
Eýran Yslam Respublikasynyň Daşary işler ministri Seýid Abbas Arakçy on dördünji hökümetiň daşary syýasatynyň goňşy we sebit ýurtlar bilen hyzmatdaşlyklaryň pugtalandyrmagyny we garşylyk okuny goldamak meselesini ileri tutýandygyny aýtdy.
Eýranyň Daşary işler ministri Seýid Abbas Arakçy, 14-nji hökümetdäki diplomatik ulgamyň meýilnamalaryny düşündiren ýörite habar söhbetdeşliginde Masud Pezeşkiýanyň täze hökümetiniň sionistlere garşy garşylyk toparlarynyň dosty we goldawçysydygyny aýtdy. Goňşuçylyk syýasaty we sebitdäki ýurtlar bilen gatnaşyklary pugtalandyrmak Eýranyň merhum president "Saýed Ebrahim Raisiniň" ýolbaşçylygyndaky 13-nji hökümetiň siýasatyny dowam etdirmekdir, Arakçy milli bähbitleri, milli howpsuzlygy we milli abraýy üpjün etmek täze hökümetdäki Daşary işler ministrliginiň üç esasy wezipesi bolýandygyny aýtdy, ol Afrika, Latyn Amerikasy we Gündogar Aziýa bilen gatnaşyklaryň pugtalandyrylmagyny beýleki ileri tutulýan ugurlardygyny beýan etdi.Eýranyň diplomatik ulgamynyň täze başlygy, soňky iki onýyllykda Amerikanyň Eýran halkyna garşy alyp barýan duşmançylykly syýasatlarynyň täsirinde Eýranyň Ýewropa ýurtlary bilen gatnaşyklarynyň peselendigini ýatlap, bu ýurtlaryň nädogry we käwagt duşmançylykly syýasat alyp barandygyny aýtdy. Arakçynyň salgylanmasy Eýran bilen günbataryň ýadro şertnamasyndan ABŞ-ynyň çykmagy we Eýrana garşy sanksiýalary güýçlendirmek bilen Tährana edilýän basyşlardyr. Şeýle-de bolsa, Eýran Yslam Respublikasy Ýewropa Bileleşigi we Ýewropa ýurtlary bilen gatnaşyklaryň ösmegini dürli wagtlarda garşy aldy, ýöne Ýewropa köplenç Eýran Yslam Respublikasy bilen gatnaşyklary ösdürmekde hoşniýetliligini görkezmedi we bu mesele ikitaraplaýyn gatnaşyklara elmydama zyýan ýetirdi. Bu meseläniň iň ýokary derejesi 2018-nji ýyldan soň, Donald Trump Eýran Yslam Respublikasynyň JCPOA diýlip atlandyrylýan 5 + 1 bilen baglaşylan ýadro şertnamasyndan bikanun we birtaraplaýyn yza çekilenden soň bolup geçdi we Ýewropa Bileleşigi bu şertnama esasynda Eýranyň bähbitlerini goramak üçin hiç hili çäre görmedi. Eýranyň Daşary işler ministri Seýid Abbas Arakçy Yrakly kärdeşi bilen geçiren telefon söhbetdeşliginde Yrakly kärdeşiniň jaň edenligi üçin we gutlamagy üçin minnetdarlyk bildirdi we Eýran Yslam Respublikasynyň täze döwletiniň we Pezeşkianyňyň hut öziniň iki goňşy we musulman ýurtlarynyň arasyndaky gatnaşyklary giňeltmek we çuňlaşdyrmak ugrundaky aýratyn tagallalaryna ünsi çekdi şeýle hem, Yragyň premýer-ministriniň Pezeşkiana bu ýurda baryp görmek çakylygyna minnetdarlyk bildirdi we garşy aldy.
