Ruhani:ýadro ylalaşygy goramak ugurda ädilen ädimler oňaýlydyr
Eýranyň döwlet baştutany Hasan Ruhani ýadro ylalaşygyndan Amerikanyň çykmagyndan soňra halkara derejesiniň köpüsi haky Eýrana berendirler we ýadro ylalaşygyny goldandyrlar diýmek bilen ýadro ylalaşygyny gorap saklamak üçin şu wagta çenli ädilen ädimler oňaýly bolandyr diýip nygtady.
Irna habarlar gullugynyň beren habaryna görä,prezident Ruhani Tehranda ulamalaryň we ruhanilaryň bir topary bilen geçiren duşuşygynda bu günki gün aglaba ýurtlar Eýranyň alyp barýan ýolunyň dogrydygyny we Amerikanyň ýalňyşýanlygyny ykrar edýändirler we bu bolsa uly üstünlikdir diýip nygtady.
Eýranyň döwlet baştutany sözüniň dowamynda Amerikalylar Ýewropalylardan Tehran bilen Waşingtonyň arasyndan birini saýlamaklaryny isleýändirler emma Ýewropalylar ýadro ylalaşygyny saýlaýandyklaryny yglan etdiler diýip beýan etdi.
Amerikanyň prezidenti Donald Trump 2018-nji ýylyň 8-nji Maýnda Eýrana garşy esassyz toslamalaryny gaýtalap ýadro ylalaşygyndan Waşingtonyň çykýanlygyny yglan etmek bilen Eýrana garşy gadaganlyklaryň gaýtadan başlanjakdygyny nygtady.
Trumpyň bu tutumy Amerikanyň içinde we halkara derejesinde ýazgaryldy.
Britaniýa,Fransiýa,Orsýet,Hytaý,Germaniýa we Ýewropa Bileleşigi ýadro ylalaşygyna gol goýan beýleki ýurtlar höküminde bu halkara ylalaşygy goldaýanlygyny yglan etdiler.
