Ruhani:Amerikanyň Eýrana berjek diýen kömegi taryhda iň uly ýalanlaryň birisidir
Eýran Yslam Respublikasynyň prezidenti Amerikalylaryň Eýrana korona wirusy bilen garşylaşmak üçin kömek bermäge taýýardyklaryny aýtmaklaryny taryhda iň uly ýalanlaryň birisi bildi.
preziden Hasan Ruhani şu gün döwlet kabinetiň maslahatynda beren gürrüňlerinde korona keseline garşy göreşmekde Eýrana kömek bermäge Amerika taýýardyr diýip Amerikaly resmileriň toslamalaryna yşarat edip Amerikanyň Eýran halykyna garşy ýola berýän zalymlykly,bikanun we terrorçylykly gadaganlyklary Eýran ilaty üçin köp kynçylyklary döredendir diýdi.
egerde Amerikalylaryň Eýrana kömek etmek niýetleri bolsalar onda Eýrana garşy ýola berip duran gadaganlyklary şol sanda nebit söwdasy,bank amallary,derman we azyk önümleri hatda çig mal ýaly önümleriň garşysyndaky böwetleri aýyrsyn diýip prezident Ruhani aýtdy.
prezident Ruhani şeýle-de Amerikalylary Aziýanyň günbatar sebitinde we Eýranda bolup geçen uly terrorçylykly jenaýatlaryň jogapkäri bilmek bilen bu nukdaýnazardan Amerikalylaryň pikirleri we dünýädäki ýalňyş we terrorçylykly düşünjeleri dünýä üçin has aýdyň bolandyr diýdi.
Eýran Yslam Respublikasynyň prezidenti sözüniň dowamyňda Eýran milleti jogapkärleriň arkalaşygy bilen bu agyr günleriň hem arka taşlanjakdygyny aýdyp dünýä Eýran we yslam medeniýetine köp ylmy we saglyk ugurlarynda bergilidir diýip nygtady.
ol şeýle-de 1399-nji ýylyň yslam ynkylabynyň mertebesi belent ýolbaşçysy tarapyndan önümçilige badalga berilmegi ýyly diýlip atlandyrylmagyna yşarat etmek bilen önümçilik böküşe ýetmek üçin dünýä ýurtlary aýratynda goňşy ýurtlary bilen gowy gatnaşykda bolmak möhümdir diýip beýan etdi.
