Ruhani:koronawirusynyň öňüni almakda jahanda Eýranyň ýagdaýy gowydyr
Eýran Yslam Respublikasynyň prezidenti şu gün ministrler kabinetiniň maslahatynda beren gürrüňlerinde Eýranyň saglygy goraýyş ministrniň beren hasabatyna yşarat edip koronanyň öňüni almakda Eýranyň ýagdaýy gowydyr diýip ynam bildirdi.
Eýran Yslam Respublikasynyň prezidenti Hasan Ruhani şeýle-de Eýranyň bir näçe welaýatynda korona keseliniň ýaýramagynyň indi synyp barýandygyna yşarat edip koronawirusy barada Eýran bilen beýleki ýurtlary hatda Ýewropa ýurtlary deňeşdirip göreňde Eýranyň ýagdaýy gowrakdyr diýip beýan etdi.
koronawirusyna uçran adamlary saýgarmak we olary derman etmek ugurlarda Eýranda gowy öňe gidişlikler bolandyr diýip prezident Ruhani aýtdy.
Eýrana garşy ýola berilen gadaganlyklara garamazdan Eýranly lukmanlar korona wirusynyň ýaýramagynyň öňüni almakda we ýurduň saglyk ýagdaýyny dolandyrmakda gowy işleri edendirler diýip prezident Ruhani sözlerine goşdy.
prezident Ruhani öten agşam hem koronawirusynyň öňüni almak ugurda Eýranly lukmanlar we bu ugurdaky hünärmenler bilen geçiren wideo konferensiýa görnüşindäki maslahatynda bu ugurda Eýranly lukmanlaryň we saglygy goraýyş jogapkärleriň şeýle-de keselhanadaky şepagatçylaryň çekýän zähmetlerinden gadyrdanlyk etdi.
