Hatibzadeh: Eýran terrorçylyga garşy göreşde Owganystanyň tarapynda durýar

Eýranyň Daşary işler ministrliginiň metbugat wekili Said Hatibzadeh Kabul ýokary okuw jaýyna edilen terrorçylykly hüjümi ýazgardy.

Eýranyň Daşary işler ministrliginiň metbugat wekili Said Hatibzadeh sişenbe güni gije twit ýazyp, elleri bigünä adamlaryň ganlaryna bulaşan we gara ýürekli terrorçylaryň we olaryň tarapdarlary Owganystanyň geljegini we çagalarynyň arassa ruhlaryny nyşana alandyr diýdi.

Hatibzadeh terrorçylyga we ekstremizme garşy alnyp barylýan bu giňişleýin göreşde Eýranyň Owganystanyň halky we hökümeti tarapyndan durýandygyny aýtdy.

Düýn (duşenbe) Kabul uniwersitetine edilen terrorçylykly hüjümde 22 adam ölüp, 25 adam ýaralandy; Bu hüjümde ölenleriň we ýaralananlaryň köpüsi talypdylar.