Hatibzadeh: Kabuldaky terrorçylykly hüjüm ABŞ-nyň Owganystandaky proksi söweşiniň mysalydyr

Eýranyň Daşary işler ministrliginiň metbugat sekretary Kabuldaky terrorçylykly hüjümi proksi söweşiň we ABŞ-nyň terrorist ýaranlarynyň Owganystandaky hereketleriniň mysaly hökmünde häsiýetlendirdi.

Eýranyň Daşary işler ministrliginiň metbugat sekretary Said Hatibzadeh şu gün beren gürrüňlerinde Kabuldaky terrorçylykly hüjümi we diplomatik wekilhanalaryň  birnäçesine şol sanda Eýranyň ilçihanasynyň howlusynyň bir bölegine raketanyň atylmagyny ýazgarmak bilen Amerika režimini bu hüjümleriň gönüden-göni jogapkäri bildi.

Hatibzadeh Owganystanyň hökümetine we halkyna, esasanam bu terrorçylykly hereketiň pidalarynyň maşgalalaryna duýgudaşlyk bildirmek bilen Gözleglere görä, şu gün Kabul şäheriniň dürli ýerlerine, şol sanda bu şäheriň diplomatik raýonyna edilen raketa hüjüminde, şu wagta çenli Eýranyň Kabuldaky ilçihanasynyň içine azyndan bir raketa hüjüm edilendir diýdi.

Eýran Yslam Respublikasynyň Owganystandaky ilçihanasynyň yglan etmegine görä, begenç bilen, raketa hüjüminde ilçihanada hiç hili ýitgi bolmady ýöne ilçihananyň esasy binasyna, aýnasyna, desgalaryna we enjamlaryna birnäçe raketa bölekleri degdi.

Şu gün Kabulyň dürli sebitleri on dört raketa bilen hüjüm astyna alyndy, netijede üç adam ölüp, 14 adam ýaralandy.

terrorçy DAEŞ toparynyň Kabula raketa hüjümleri giňden ýaýran milli we halkara reaksiýalara sezewar boldy.