Owganystan-Türkmenistan serhedinde dartgynlylygyň güýçlenmegi bilen ýerli ýaşaýjylar bu sebitden çykdylar
Owganystan bilen Türkmenistanyň serhedinde Talyban bilen Owganystanyň howpsuzlyk güýçleriniň arasyndaky çaknyşyk güýçleneni soň, ýerli ýaşaýjylar sebitiň käbir ýerlerinden gaçdylar.
Fars habar gullugynyň habaryna görä; Türkmen ofiserleri maşgalalaryny Owganystan bilen serhetdeş ýerlerden has howpsuz ýerlere iberýärler.
Owganystan-Türkmenistan serhedindäki ýerli ýaşaýjylaryň sözlerine görä, Owganystanyň Sorhtabad we Turgundi obalarynda ýarag sesleri eşidilipdir.
Ondan öň Owganystanyň metbugat gullugy TOLOnews Türkmenistan bilen serhetdäki Owganystanyň Badgis welaýatynda Talyban bilen hökümet güýçleriniň arasynda agyr söweşiň dowam edýändigini habar berdi.
Talybanyň hüjümleri we öňe gitmegi, ABŞ we NATO goşunlarynyň Owganystandan çykarylmagynyň möhletiniň yglan edilmegi bilen zamandaş sebitde aladalary döredendir.
