Türkmenistanyň Daşary işler ministri Talybanyň wagtlaýyn hökümetiniň başlygy bilen duşuşdy
Türkmenistanyň Daşary işler ministri we ýanyndaky delegasiýa şu gün Kabulda Talybanyň ministrler kabinetiniň başlygy bilen duşuşyp, dürli meseleleri ara alyp maslahatlaşdy.
IRIB habar gullugynyň habaryna görä, Talybanyň metbugat sekretary Zabihullah Mujahid, Türkmenistanyň Daşary işler ministri bilen Talybanyň ministrler kabinetiniň başlygy Molla Muhammet Hasan Ahund we Talyban işgärleriniň bir topary arasyndaky duşuşyga ünsi çekip: Duşuşykda ykdysady, howpsuzlyk, söwda we gumanitar meseleler ara alnyp maslahatlaşyldy diýdi.
Talybanyň metbugat sekretarynyň orunbasary Bilal Karimi mundan ozal TOPH meýilnamasy hökmünde tanalýan Türkmenistanyň gaz geçirijisini Owganystandan Pakistana we Hindistana geçirmek meýilnamasynyň Türkmenistanyň Daşary işler ministriniň Talybanyň ýokary derejeli resmileri bilen duşuşygynyň esasy temalarynyň biridigini aýdypdy.
şu gün Owganystanyň paýtagty Kabula sapar eden Türkmenistanyň Daşary işler ministri Reşid Meredow Kabul howa menzilinde Talybanyň Daşary işler ministri tarapyndan garşy alyndy.
