Eýranyň we Türkmenistanyň prezidentleri hemmetaraplaýyn hyzmatdaşlygy ösdürmegi nygtadylar

Eýranyň we Türkmenistanyň prezidentleri medeni meňzeşliklere we iki ýurduň arasyndaky gatnaşyklaryň giňeldilmegine ünsi çekip, iki ýurduň bähbitlerini üpjün etmek üçin hemmetaraplaýyn gatnaşyklary we hyzmatdaşlygy ösdürmegiň zerurdygyny aýtdylar.

Eýranyň prezidenti Hasan Ruhani we Türkmenistaniň prezidenti Gurbanguly Berdimuhamedow çarşenbe güni telefon arkaly söhbetdeşlikde mukaddes Remezan aýy bilen gutladylar we şu aýda iki ýurduň milletleriniň ybadatynyň kabul edilmegini, Tehran we Aşgabadyň Ykdysady hyzmatdaşlyk etabynyň öňki düzgünlere gaýdyp gelmegini we umumy serhetlerde söwdalaşyklaryň saglyk görkezmelerine doly laýyklykda  öňki ýagdaýa öwrülmegini nygtady.

"Eýranyň we Türkmenistanyň prezidentleri, dünýäniň köp ýurtlarynda koronanyň döremegi netijesinde ýüze çykan  kynçylyklary  göz öňünde tutup, ähli ýurtlaryň korona garşy göreşde duýgudaşlygyny we tagallalaryny talap etdi we iki ýurduň arasyndaky hyzmatdaşlygy nygtady.

Ruhani, Eýran Yslam Respublikasynyň Korona garşy göreşde gowy netijelere we üstünliklere ýetendigini we Tehranyň bu tejribelerini dostlukly ýurt Türkmenistan bilen paýlaşmaga taýýardygyny aýtdy.

Gurbanguly Berdimuhamedow, Eýranyň sebitdäki söwda we ykdysady gatnaşyklardaky pozisiýasyna ünsi çekip: "Dostlukly ýurtlar, esasanam Eýran Yslam Respublikasy bilen çyn ýürekden we birek-birege hormat goýmak bilen gatnaşyklary we hyzmatdaşlygy ösdürmek Türkmenistan üçin ileri tutulýan ugur" -diýdi.