Yragyň Aýn al-Assaddaky ABŞ harby bazasyna hüjüm edildi

Yragyň yslam garşylygy, Gazadaky palestinalylara garşy edilen jenaýata jogap hökmünde Yragyň Aýn al-Assaddaky Amerikanyň harby bazasyny nyşana alandygyny habar berdi.

Sabrin News Telegram kanalynyň habaryna görä, bu hüjüm anna güni irden pilotsyz uçar bilen amala aşyryldy.

Bu habara görä, Aýn al-Assad bazasynyň asmanyndan tüsse çykandyr.

Soňky birnäçe günüň içinde Amerikanyň Yrakdaky we Siriýadaky harby bazalary Yragyň Yslam garşylygy tarapyndan pilotsyz uçarlar we raketalar bilen nyşana alynandyr.

Yragyň Yslam garşylygy, penşenbe güni gije beýannama bermek bilen Siriýanyň günortasyndaky Amerikan harby bazasyna (Al-Tanf bazasyna) pilotsyz hüjümiň jogapkärçiligini öz üstüne aldy.

Penşenbe güni habar çeşmeleri Siriýanyň günortasyndaky Amerikan harby bazalaryna (Al-Tanf bazasyna) hüjüm edilendigini habar berdiler.

Ysraýyl  režiminiň Palestinanyň ezilen halkyna, esasanam Gaza garşy eden jenaýatlaryndan we wagşyçylykly hüjümlerinden we Waşingtonyň bu hüjümleri goldamagyndan soň, Yragyň Yslam garşylygy ABŞ-a sebitdäki bazalaryny nyşana aljakdygyny duýdurdy.