Rafaha Guralan Hüjümde 45 Däl Eýsem 200 Adam şehit boldy
6-njy maýdan bäri 1 milliondan gowrak adam Gazanyň günortasynda ýerleşýän Rafah şäherini terk etdi
Ysraýyl Režimiň Rafah şäherinde öýlerinden jyda düşen palestinalylaryň ýaşaýan düşelgesine guran hüjüminde 45 däl eýsem azyndan 200 adamyň pyda bolandygy nygtaldy.
BMG-nyň Ýakyn Gündogardaky Palestinaly bosgunlara kömek gullugynyň ýolbaşçysy Touma, Nýu-Ýorkda metbugata beýannama berdi.
Ysraýylyň harby goşunynyň hüjümleri sebäpli 6-njy maýdan bäri 1 milliondan gowrak adamyň Gazanyň günortasynda ýerleşýän Rafah şäherini terk edendigini aýdan Touma, öýlerinden jyda düşenleriň sanynyň gün saýyn köpelýändigini belledi.
Touma, şol adamlaryň diňe bir gezek däl eýsem birnäçe gezek ýaşaýan ýerlerini terk etmeli bolandygyny, sebitdäki bombaly hüjümleriň güýçlenmek bilen dowam edýändigini nygtady.
Touma, soňky 3 hepde-de diňe 200 konteýnerlik ynsanperwer kömeginiň şähere girmegine rugsat berlendigine ünsi çekdi.
Touma Ysraýylyň Rafah şäherinde öýlerinden jyda düşen palestinalylaryň ýaşaýan düşelgesine guran hüjüminde 45 däl eýsem azyndan 200 adamyň pyda bolandygyny ýatlatdy.
Gazadaky Palestinanyň Saglygy goraýyş ministrliginden berlen beýannamada, Ysraýylyň 235 gün bäri Gaza zolagyna garşy guraýan hüjümleri hakynda maglumat berildi.
Beýannamada, Ysraýylyň harby goşunynyň soňky 24 sagatda Gaza guraýan hüjümlerinde 5 gyrgynçylyk edendigi, hüjümlerde ýene-de 46 palestinalynyň şehit bolandygy, 110 palestinalynyň hem ýaralanandygy nygtaldy.
Beýannamada, Ysraýylyň harby goşunynyň Gaza zolagyna garşy 2023-nji ýylyň 7-nji oktýabryndan bäri guraýan hüjümlerinde ýogalanlaryň sany 36 müň 96 adama, ýaralananlaryň sanynyň bolsa 81 müň 136 adama ýetendigi ýatladyldy.
Beýanatda mundan başgada ýumrulan binalaryň harabalyklarynyň arasynda we ýoluň gyralarynda ýogalan adamlaryň jesetleriniň bardygy, emma ysraýylly esgerleriň päsgel bermegi sebäpli şol jesetleriň ýygnalyp bilinmeýändigi aýan edildi.
