Al-Muallem:Eýranyň raketa hüjümi terrorizme garşy söweşiň çarçuwasyndadyr
Siriýanyň daşary işler ministri Walid Al-Muallem bu ýurdyň Al-Bukamal sebitine garşy Eýranyň Sepah Pasdaran güýjüniň baýakky raketa hüjüminiň terrorizme garşy söweşiň çarçuwasynda amala aşanlygyny yglan etdi.
Mehr habarlar gullugynyň beren habaryna görä, şu gün Siriýanyň daşary işler ministri Walid Al-Muallem beren gürrüňlerinde Eýran bilen Siriýanyň hyzmatdaşlyklarynyň kanunydygyna we Damaskyň milli häkimiýetiniň çarçuwasyndadyna yşarat edip Idlibiň,Alepponyň galan sebitleriniň,Manbajyň hemde Forat akarynyň gündogar sebitleriniň azat edilmeginiň Siriýa uruşynyň soňky tapgyrydygyny nygtap geçdi.
22-nji Sentýabrda Eýranyň günorta günbatarynda ýerleşen Ahwaz şäherinde 25 adamyň şehit hemde 69 adamyň ýaralanmagyna baryp çatan terrorçylykly jenaýatyň yzy bilen Eýranyň Sepah Pasdaran güýji duşenbe güni daňdan bir näçe raketa we bombalaýjy uçarmansyz uçarlar bilen Siriýanyň forat akarynyň gündogarynda ýerleşen terrorçy toparlaryň serkerdeleriniň ýerleşen jaýlaryny hüjüm astyna aldy.
Eýranyň Sepah Pasdaranyň kosmosa güýjüniň başlygy serdar sertip Amir Ali Hajizadanyň aýtmagyna görä, bu raketa hüjümlerde DAEŞ serkerdeleriniň 40-si hemde Mosaldaky terrorçylaryň serkerdesi heläk bolandyrlar.
