Stambul sammitiniň öňüsyrasynda owgan parahatçylyk meýilnamasynyň taslamasynyň tamamlanmagy
Owganystanda ýokary ylalaşyk geňeşi , owgan hökümetiniň Talyban bilen parahatçylyk meýilnamasynyň taslamasynyň tamamlanandygyny we geňeşiň başlygyna tabşyrylandygyny habar berdi.
Owganystanyň habar beriş serişdeleriniň habaryna görä, Stambul sammitiniň öňüsyrasynda, Owganystanyň parahatçylyk meýilnamasynyň taslamasynyň tamamlanmagy bilen Owganystanyň prezidenti Muhammet Aşraf Gani şu aýda geçiriljek Stambul-Türkiýe sammiti üçin ýurduň "parahatçylyk ýol kartasy" hökmünde üç basgançakly meýilnamany teklip edendir. Hemişelik ýaraşyk, irki prezident saýlawlary, konstitusiýa binýadyny taýýarlamak, bosgunlary yzyna getirmek we Owganystanyň ösüş meýilnamasy Owganystanyň prezidenti Aşraf Ganiniň Stambul sammiti üçin üç basgançakly meýilnamasydir.
Owganystanda parahatçylyga ýetmek üçin, Stambul-Türkiýe sammiti şu aýyň 27-sinde geçiriler. 10 gün dowam etjek ýygnak Owganystanyň hökümetini, "Talyban" we dürli syýasy toparlary urşuň bes edilmegi we ýurduň syýasy geljegi barada ylalaşmaga synanyşar. Aşraf Ganiniň ýurduň parahatçylyk ýolunyň kartasyny görkezmegine garamazdan , ABŞ hökümeti Talybanyň wekilleriniň gatnaşmagynda Owganystanda wagtlaýyn hökümet gurmagy teklip edipdi,emma oňa Aşraf Gani garşy çykdy.
Stambul sammitinde owgan parahatçylyk meýilnamasynyň tamamlanmagyna gabat gelen ABŞ-nyň Owganystan boýunça ýörite wekili Zalmaý Halilzad, Talyban bilen koalisiýa hökümetini döretmek meýilnamasy boýunça owgan resmileri bilen duşuşmak üçin iki sapar Kabula geldi. Owganystanyň prezidenti, şeýle hem Owganystanyň ýokary Ylalaşyk Geňeşiniň başlygy Abdullah Abdullah we ýurduň käbir syýasy işgärleri bilen maslahatlaşdy.
Halilzadyň gepleşikleri, Owganystandaky söweşi we konflikti bes etmek üçin hökümet bilen Talybanyň arasyndaky gepleşikleri geçen ýyl Katarda başlap, Russiýanyň paýtagty Moskwada yzarlanylýar we şu aýyň ahyrynda Stambulda meýilleşdirilýär. Syýasy synçylaryň köpüsiniň nukdaýnazaryndan ABŞ-nyň owgan parahatçylyk prosesine gatyşmagy şu gepleşikleriň şowsuz bolmagyna sebäp bolandyr we soňky aýlarda ýurtda zorlugyň möwjemegine şaýat boldy.
