Russiýanyň dollara garaşlylygy azaltmak boýunça täze ädimi

Russiýanyň Maliýe ministrligi, takmynan 65 milliard dollary öz içine alýan ýurduň milli baýlyk gaznasyndaky dollaryň doly ýok ediljekdigini we ony beýleki walýutalara öwürjekdigini habar berdi.

Russiýanyň Maliýe ministri Anton Silwanow mundane ozal Russiýanyň milli baýlyk gaznasyndaky dollaryň paýyny 35 göterime çenli azaljakdygyny aýtdypdy.

Russiýanyň Milli baýlyk gaznasy , Russiýanyň emläkleriniň bir bölegini saklamak üçin döredilen gaznadyr, nebit we gaz satmakdan goşmaça girdejiler saklanylýar we zerur bolsa hökümetiň sanawyndan aýrylýar. Häzirki wagtda gaznanyň galyndysy 185 milliard 900 million dollardyr.

Russiýanyň dollara garaşlylygyny azaltmak we ahyrynda kesmek baradaky täze ädimi ABŞ-nyň sanksiýalarynyň basyşyna we Waşingtonyň dollary Moskwa basyş etmek üçin gural hökmünde ulanmagyna gönükdirilendir.

Amerikanyň Birleşen Ştatlary hemişe dollary beýleki halkara ýurtlaryna basyş etmek üçin esasy halkara walýutasy hökmünde gural hökmünde ulandy.

Waşington, beýleki ýurtlary öz talaplaryny ýerine ýetirmäge ýa-da Amerikanyň Birleşen Ştatlarynyň bähbidine däl syýasatlaryny we hereketlerini alyp barmaga mejbur etmek üçin kompaniýalara, banklara we halkara maliýe ulgamynyň dollara bil baglamagyny birnäçe gezek ulandy. Bu garşydaş ýurtlaryň we hatda Waşingtonyň Ýewropadaky ýaranlarynyň arasynda uly seslenme döretdi we ABŞ-nyň beýleki ýurtlara garşy ykdysady, söwda we maliýe basyşlary sebäpli dollary möhüm derejede ulanmagynyň öňüni almak zerurlygy barada global ylalaşygyň kem-kemden döremegine sebäp boldy.  

Maliýe hünärmeni Alasdair MakLeod "ABŞ dollary ýarag hökmünde ulanýar" -diýdi. Amerikanyň Birleşen Ştatlary halkara maliýe ulgamynyň dollara alternatiwasynyň ýokdugyny bilýär, şonuň üçin bu pursatdan peýdalanýar.