Owganystanda ABŞ-na garşy protest geçirildi
Talibanyň resmileri bolsa Owganystana halkara ynsanperwer kömekleriň ýaňadandan başladylmagyny talap edýär
Owganystanda Talibanyň häkimiýediň başyna geçmeginden soň halkara ynsanperwer kömekleriň kesilmegi we ätiýaçlaryň doňdurylmagy sebäpli ýurdyň paýtagty Kabul şäherinde protest geçirildi.
Abdulhak çatrygyna ýygnanan takmynan 600 adam ellerindäki ýazgyly şygarlar bilen, şygarlar aýdyp ABŞ-nyň basyp alyşlyk zamanynda ilçihana hökmünde ulanan kompleksine tarap ýörediler.
Talibany goldap şygarlar aýdan demonstrantlar, ABŞ-nyň we halkara jemgyýetiň ýurtlaryna berýän ynsanperwer kömeklerini kesmegine we ätiýaçlaryň doňdurylmagyna nägilelik bildirdiler.
BMG Owganystanda gyş aýlarynda 22,8 millon adamyň azyk ýetmezçiligini başyndan geçirip biljekdigini belleýär.
Talibanyň resmileri bolsa Owganystana halkara ynsanperwer kömekleriň ýaňadandan durmuşa geçirilmegini talap edýär.
Şeýlede,BMG-niň Bosgunlar boýunça ýokary komisary Grandi, Owganystanda soňky hepdelerde ýurdy terk etmek isleýänleriň sanynyň artandygyny aýtdy.
Grandi, BMG-nyň Howpsyzlyk geňeşinde eden çykyşynda, Owganystandaky ýagdaýyň täze bosgun krizisine sebäp bolup biljekdigine ünsi çekdi.
Owganystanda 23 million adamyň agyr şertlerde ýaşaýandygyny nygtan Grandi, 3,5 million adamyň hem çaknyşyklar sebäpli öýlerini terk edip biljekdigini belledi.
Grandi, berilýän ynsanperwer kömekler bilen ykdysadyýetiň kadalaşyp biljekdigini nygtady.
BMG-niň Bosgunlar boýunça ýokary komisary “Soňky hepdelerde ýurdy terk etmek isleýän owganlaryň sanynyň artýandygyny gördük”diýip belledi.
